Ամենամյա Փառատոններ
ՀԱՅ ԿՈՄՊՈԶԻՏՈՐԱԿԱՆ
ԱՐՎԵՍՏԻ ՓԱՌԱՏՈՆ
2010 թվականին Սերգեյ Սմբատյանի նախաձեռնությամբ ստեղծված և յուրաքանչյուր տարի լեգենդար հայ կոմպոզիտորներից մեկին նվիրվող Հայ կոմպոզիտորական արվեստի փառատոնը կոչված է պահպանելու հայ դասական կոմպոզիտորական դպրոցի ավանդույթները` միաժամանակ խթանելով մեծավաստակ հայ կոմպոզիտորների ժառանգության ճանաչումը։
ԽԱՉԱՏՐՅԱՆԻ ԱՆՎԱՆ
ՄԻՋԱԶԳԱՅԻՆ ՓԱՌԱՏՈՆ
20/11, 2024 - 16/12, 2024
Խաչատրյանի անվան միջազգային փառատոնը տարածաշրջանում դասական երաժշտության լայնորեն ճանաչելի քչաթիվ փառատոններից է, որի հեղինակությունն ու մասնակիցների աշխարհագրությունը տարեցտարի ընդլայնվում են։
2013թ․ հիմնադրված փառատոնը ամեն տարի մայրաքաղաք Երևանում հյուրընկալում է համաշխարհային մեծության սիրված արտիստների, որոնք երաժշտության լեզվով ստեղծում են միջմշակութային երկխոսության մթնոլորտ, ինչպես նաև իրենց կատարումներով ընդլայնում Արամ Խաչատրյանի երաժշտության ճանաչումը։
«ԱՐՄԵՆԻԱ» ՄԻՋԱԶԳԱՅԻՆ
ԵՐԱԺՇՏԱԿԱՆ ՓԱՌԱՏՈՆ
«Արմենիա» միջազգային երաժշտական փառատոնը հիմնադրվել է 2017 թվականին՝ Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանի և Մշակույթի աջակցության եվրոպական հիմնադրամի նախագահ Կոնստանտին Իշխանովի համատեղ ջանքերով: Իր մի քանի տարվա պատմության ընթացքում այն հասցրել է դառնալ միջազգայնորեն ճանաչված և սպասված երաժշտական միջոցառում:
ՊԵՆԴԵՐԵՑԿՈՒ ԱՆՎԱՆ ԺԱՄԱՆԱԿԱԿԻՑ ԵՐԱԺՇՏՈՒԹՅԱՆ ՓԱՌԱՏՈՆ
2019թ. Հայաստանի պետական սիմֆոնիկ նվագախմբի և Մշակույթի աջակցման եվրոպական հիմնադրամի համատեղ ջանքերով ստեղծված «Ժամանակակից դասականներ» կոմպոզիտորական փառատոնը 2022 թվականին հանդես է գալիս «Պենդերեցկու անվան ժամանակակից դասականների փառատոն» անվանումով։
