ԱՋԱԿՑԵԼ ՆՎԱԳԱԽՄԲԻՆ

Ջորջ Պագումյանը Ամերիկայի Միացյալ Նահանգներ տեղափոխվել է երիտասարդ տարիքում՝ իր հետ տանելով իր հայկական ընտանեկան փիլիսոփայությունն ու աշխատանքային մշակույթը։ Ավելի ուշ նա հիմնադրել է «NAPCO» ՍՊԸ-ն՝ այն դարձնելով մեծածախ առևտրի ոլորտում արտադրական խոշորացման և սեփականության ապահովագրության ուղղություններով գործող ամենամեծ անհատական ընկերություններից մեկը Միացյալ Նահանգներում։ Պագումյանի ղեկավարությամբ «NAPCO»-ն ապահովագրություն է տրամադրել ԱՄՆ-ի խոշորագույն ընկերություններից շատերին։ Ընկերությունից հեռանալուց հետո Պագումյանը հիմնադրել է «PMA Venture Capital Group» ներդրումային ընկերությունը՝ ներդրումներ կատարելով առողջապահական ոլորտին առնչվող արտադրական բնագավառներում և նպատակ ունենալով խթանել առողջ ապրելակերպն ու միտքը ամբողջ աշխարհում։

Շահեն Մելիքյանն ավարտել է Մոսկվային պետական իրավաբանական համալսարանը, իսկ հետբուհական կրթության վկայական ստացել է Մեծ Բրիտանիայի Քինգզ Քոլեջում։ Ներկայումս նա աշխատում է որպես գլխավոր իրավաբան «Sistema Venture Capital» ներդրումային ընկերությունում, որը կենտրոնացած է նորահայտ տեխնոլոգիաներում ներդրումների ուղղությամբ։ Նա մշակել է բազմաթիվ համալիր պայմանագրեր ռուսաստանյան, ամերիկյան, բրիտանական և իսրայելական ընկերություններում ներդրումներ կատարելու համար։ Աճող բիզնեսների և թիմերի հետ ամենօրյա շփումներից զատ՝ նա մեծ ուշադրություն ու ժամանակ է հատկացնում հանրային դաշտում իր փորձառությամբ կիսվելուն, ինչպես նաև զբաղվում է քոուչինգով Հայաստանի և Ռուսաստանի երիտասարդ ձեռնարկատերերի, իրավաբան ուսանողների և գործող իրավաբանների հետ։ Շահեն Մելիքյանը նաև որպես հրավիրյալ խոսնակ հանդես է գալիս մեծ թվով միջազգային մասնագիտական միջոցառումներում, ինչպես նաև աջակցում է տարբեր գործարար լրատվամիջոցների։ Բիզնես գործունեությունից բացի, Շահեն Մելիքյանը նաև աջակցում է ազատ ոճի ըմբշամարտի թիմին, որը հիմնադրել է իր պապիկը հայրենի Արտաշատ քաղաքում։

Սիրիայի Հալեպ քաղաքում ծնված Գաբրիել Չենբերջյանն իր բարեգործական գործունեությամբ զգալի ազդեցություն է ունեցել հայ համայնքների հասարակական և մշակութային կյանքում։ Նրա աջակցությունն ու բարեգործական նախաձեռնությունները բարձր են գնահատվել ինչպես Հայաստանում, այնպես էլ Սիրիայում, Լիբանանում և այլ երկրներում՝ ուղղված սփյուռքում հայկական ինքնության պահպանմանը, ինչի համար Մեծի Տանն Կիլիկիո Կաթողիկոս Ն.Ս.Օ.Տ.Տ. Արամ Ա Վեհափառ Հայրապետի կողմից 2007թ․ նա պարգևատրվել է «Կիլիկիո ասպետ» շքանշանով։ 2008թ․ Գաբրիել Չենբերջյանը Հայաստանի Հանրապետության նախագահ Սերժ Սարգսյանի կողմից պարգևատրվել է Մովսես Խորենացու մեդալով՝ Հայաստանի առաջընթացին ցուցաբերած անվերապահ նվիրումի, ինչպես նաև բարոյական և նյութական աջակցության համար։ 2008թ. նրան նաև շնորհվել է Մայր Աթոռ Սուրբ Էջմիածնի «Սբ. Գրիգոր Լուսավորիչ» բարձրագույն շքանշանը Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի կողմից։ 2010 թվականից նա կրում է Երևանի պատվավոր քաղաքացու կոչումը՝ Հայաստանի մայրաքաղաքում իրականացրած բարեգործական գործունեության համար։ Գաբրիել Չենբերջյանը «Փյունիկ» Մարդկային ռեսուրսների զարգացման հիմնադրամի ներկայիս նախագահն է։